Monday, June 17, 2019 Last Updated 3 Min 11 Sec ago English Edition
Todays E paper
Ads by Google
Thursday 04 Oct 2018 02.57 PM

രുചികരമായ ഓറഞ്ച് കേക്ക് തയാറാക്കാം

uploads/news/2018/10/253963/CokryTips041018a.jpg

ഓറഞ്ച് കേക്ക്

1. മൈദ - ഒന്നേമുക്കാല്‍ കപ്പ്
2. ഓറഞ്ച് നീര് - 1 കപ്പ്
3. പൊടിച്ച പഞ്ചസാര - ഒന്നേകാല്‍ കപ്പ്
4. ഒലിവെണ്ണ - 1/3 കപ്പ്
5. ബേക്കിംഗ് പൗഡര്‍ - ഒന്നര ടീസ്പൂണ്‍
6. പട്ട പൊടിച്ചത് - 1/4 കപ്പ്
7. മുട്ടയുടെ വെള്ള - 4 മുട്ടയുടേത്
8. ബദാം - 6 എണ്ണം ചെറുതായി അരിഞ്ഞത്
9. ബ്രൗണ്‍ഷുഗര്‍ - 1- 2 ടേബിള്‍ സ്പൂണ്‍സിറപ്പിന്
10. ഓറഞ്ച് നീര് - 1/2 കപ്പ്
11. തേന്‍ - 3 ടേബിള്‍ സ്പൂണ്‍
12. കോണ്‍ ഫ്‌ളോര്‍ - 1 ടേബിള്‍ സ്പൂണ്‍

തയാറാക്കുന്ന വിധം


മൈദയും ബേക്കിംഗ് പൗഡറും യോജിപ്പിച്ച് അരിച്ചെടുക്കുക. ഉണങ്ങിയ ഒരു ബൗളില്‍ മുട്ടവെള്ള അടിച്ചു പതപ്പിച്ചെടുക്കുക. ഒലിവെണ്ണ അല്‍പാല്‍പമായി ഒഴിക്കുക. ശക്തിയായി ഇളക്കുക. മൈദയില്‍ പകുതി ചേര്‍ത്ത് സാവധാനം ഇളക്കുക. മിച്ചമുള്ള മൈദ കൂടി ചേര്‍ത്തിളക്കി, എണ്ണ തടവി മൈദ തടവിയ ഒരു കേക്ക് ടിന്നിലേക്ക് പകര്‍ന്ന് മീതെ ബ്രൗണ്‍ ഷുഗര്‍, ബദാം അരിഞ്ഞത് എന്നിവ വിതറുക. അവ്‌നിന്റെ താപനില 180 ഡിഗ്രി സെല്‍ഷ്യസില്‍ ക്രമീകരിച്ച് പ്രി ഹീറ്റ് ചെയ്യുക. ഇതിലേക്ക് കേക്ക് ടിന്‍ വെച്ച് 30 - 35 മിനിറ്റ് ബേക്ക് ചെയ്‌തെടുക്കുക. സിറപ്പിനുള്ള ചേരുവകകള്‍ യോജിപ്പിച്ച് കുറുകും വരെ ചൂടാക്കുക. കേക്കിന് മീതെ ഒഴിക്കുക.

കുറിപ്പ് - ഓറഞ്ച് നീര് ആരോഗ്യദായകമാണ്. മുട്ടയുടെ വെള്ളയില്‍ കൊഴുപ്പില്ല. ഒലിവെണ്ണയും കൊഴുപ്പില്ലാത്തതാണ്. ആരോഗ്യത്തിന് ഏറ്റവും യോജിച്ച എണ്ണയും ഇതാണ്. പട്ടപൊടിച്ചത് പ്രമേഹ രോഗികള്‍ക്ക് വളരെ നല്ലതാണ്. കൊളസ്റ്ററോള്‍ കുറയ്ക്കും. ബ്രൗണ്‍ ഷുഗര്‍ വേണമെങ്കില്‍ ഒഴിവാക്കാവുന്നതാണ്. ഒലിവ് എണ്ണ വാങ്ങുമ്പോള്‍ പാചകത്തിനായുള്ളതാണെന്നു പറഞ്ഞു വാങ്ങുക. സാലഡില്‍ ചേര്‍ക്കുന്ന ഒലിവെണ്ണയും ഉണ്ട്.

Ads by Google
Thursday 04 Oct 2018 02.57 PM
YOU MAY BE INTERESTED
Ads by Google
Loading...
TRENDING NOW