"മീ ടൂ" കത്തിപ്പടരുന്നു യു ടൂ... മുകേഷ്‌, അക്‌ബര്‍!
തൊഴിലിടങ്ങളില്‍ നേരിടേണ്ടിവന്ന ലൈംഗിക ദുരനുഭവം ഹോളിവുഡിലെ പ്രമുഖ നടിമാര്‍ തുറന്നുപറഞ്ഞ "മീ ടൂ" കാമ്പയിന്‍ ദേശീയ രാഷ്‌ട്രീയത്തെയും മലയാള സിനിമാ-രാഷ്‌ട്രീയ രംഗത്തെയും ചുട്ടുപൊള്ളിക്കുന്നു. കേന്ദ്ര വിദേശകാര്യ സഹമന്ത്രി എം.ജെ. അക്‌ബറിനെതിരേ ഏതാനും വനിതാ മാധ്യമപ്രവര്‍ത്തകര്‍ വിരല്‍ ചൂണ്ടിയതിനു പിന്നാലെ സി.പി.എം. എം.എല്‍.എയും നടനുമായ മുകേഷും ആരോപണനിഴലില്‍. മലയാളിയായ കാസ്‌റ്റിങ്‌ ഡയറക്‌ടര്‍ ടെസ്‌ ജോസഫാണു മുകേഷില്‍നിന്നു ദുരനുഭവമുണ്ടായെന്നു തുറന്നുപറഞ്ഞത്‌.
ഹോളിവുഡ്‌ നിര്‍മാതാവ്‌ ഹാര്‍വി വെയ്‌ന്‍സ്‌റ്റെയ്‌നായിരുന്നു തുറന്നുപറച്ചിലുകളിലെ ആദ്യ വില്ലന്‍. ഒരു വര്‍ഷമായപ്പോഴേക്കും "മീ ടൂ" ഹോളിവുഡ്‌ നടന്‍ നാനാ പട്ടേക്കറിനും എഴുത്തുകാരന്‍ ചേതന്‍ ഭഗത്തിനുമെതിരായ ആരോപണങ്ങളിലൂടെ ഇന്ത്യയിലെത്തി. അക്‌ബറിലൂടെ അതു രാഷ്‌ട്രീയത്തിലും മുകേഷിലൂടെ മലയാളത്തിലുമെത്തി.
ബോളിവുഡ്‌ സംവിധായകരായ വിവേക്‌ അഗ്നിഹോത്രി, വികാസ്‌ ബാല്‍, നടന്മാരായ രജത്‌ കപൂര്‍, അലോക്‌നാഥ്‌, കൊമേഡിയന്‍ ഉത്സവ്‌ ചക്രവര്‍ത്തി, ഗായകന്‍ കൈലാസ്‌ ഖേര്‍, തമിഴ്‌ ഗാനരചയിതാവ്‌ വൈരമുത്തു, നടന്‍ രാധാ രവി... അമ്പു കൊള്ളുന്നവരുടെ പട്ടിക നീളുകയാണ്‌. ഭാര്യയോടും ആരോപണമുന്നയിച്ച യുവതിയോടും ചേതന്‍ ഭഗത്‌ മാപ്പുപറഞ്ഞു. മറ്റുള്ളവര്‍ എല്ലാം നിഷേധിച്ച്‌ ചെറുത്തുനില്‍പ്പിലാണ്‌.
മുകേഷ്‌ മുറിയിലേക്കു വിളിച്ചു, ശല്യപ്പെടുത്തി: ടെസ്‌ ജോസഫ്‌
കൊച്ചി: നടനും സി.പി.എം. കൊല്ലം എം.എല്‍.എയുമായ മുകേഷ്‌ ലൈംഗികച്ചുവയോടെ സംസാരിച്ചെന്നു ബോളിവുഡിലെ കാസ്‌റ്റിങ്‌ ഡയറക്‌ടര്‍ ടെസ്‌ ജോസഫ്‌. ചെന്നൈയില്‍ "കോടീശ്വരന്‍" ചാനല്‍ പരിപാടി ഷൂട്ടിങ്ങിനിടെയായിരുന്നു ദുരനുഭവമെന്നു ട്വിറ്ററിലൂടെ വെളിപ്പെടുത്തിയ ടെസ്‌, അതു ടിവി ചാനലിലൂടെ ആവര്‍ത്തിച്ചു.
ചെന്നൈ ലെ മെറിഡിയന്‍ ഹോട്ടലില്‍ തങ്ങിയ സംഘത്തില്‍ സ്‌ത്രീയായി താന്‍ മാത്രമായിരുന്നെന്നു ടെസ്‌ ട്വിറ്ററിലെഴുതി. അന്നെനിക്ക്‌ 20 വയസായിരുന്നു. മുകേഷ്‌ തന്റെ മുറിയിലേക്കു പലതവണ വിളിച്ചു. ഷൂട്ടിങ്ങിന്റെ അടുത്ത ഷെഡ്യൂളില്‍ തന്റെ മുറി മുകേഷിന്റെ അടുത്തേക്കു മാറ്റി. അന്നു തന്റെ മേധാവിയായിരുന്ന ഡെറിക്‌ ഒബ്രിയാനെ കാര്യമറിയിച്ചു. അദ്ദേഹം ഒരു മണിക്കൂര്‍ സംസാരിച്ചു. അടുത്ത വിമാനത്തില്‍ ചെന്നൈയില്‍നിന്നു മാറ്റി. 19 വര്‍ഷത്തിനിപ്പുറം, നന്ദി, ഡെറിക്‌... എന്നായിരുന്നു ആദ്യ ട്വീറ്റ്‌.
ഒരു രാത്രി നിരന്തരം ഫോണ്‍വിളികളെത്തിയതോടെ സഹപ്രവര്‍ത്തകന്റെ മുറിയിലേക്കു മാറി. ലെ മെറിഡിയന്‍ എല്ലാറ്റിനും ഒത്താശ ചെയ്‌തു.
മലയാളിയാണെന്ന നിലയിലാണു മുകേഷ്‌ പരിചയപ്പെട്ടത്‌. ഒരു ദിവസം പ്രോഗ്രാം നന്നായി എന്നു പറഞ്ഞ്‌ അഭിനന്ദിച്ചു. എന്നാല്‍, തനിക്കു മലയാളം അറിയില്ലെന്നു പറഞ്ഞിരുന്നു. മലയാളം നന്നായി പഠിപ്പിക്കാമെന്നു പറഞ്ഞ്‌ നിരവധി തവണ വിളിച്ചെന്നും മി ടൂ കാമ്പയിന്‍ മലയാളത്തിലെത്തിച്ച വെളിപ്പെടുത്തലിലൂടെ ടെസ്‌ ജോസഫ്‌ പറഞ്ഞു.
ഓര്‍മയില്ല, ആരോപണം ചിരിച്ചുതള്ളുന്നു: മുകേഷ്‌
തനിക്കെതിരേ ഉയര്‍ന്ന ആരോപണം ചിരിച്ചുതള്ളുന്നുവെന്നു മുകേഷ്‌. വര്‍ഷങ്ങള്‍ക്കു മുമ്പു നടന്ന കോടീശ്വരന്‍ പരിപാടി പോലും ശരിക്ക്‌ ഓര്‍മയില്ല. പരാതിക്കാരി ഇത്രയും കാലം ഉറങ്ങുകയായിരുന്നോ എന്നും മുകേഷ്‌ ചോദിച്ചു.
പരാതിക്കില്ലെന്ന്‌ ടെസ്‌
മുകേഷിനെതിരേ താന്‍ പറഞ്ഞ കാര്യങ്ങള്‍ രാഷ്‌ട്രീയമുതലെടുപ്പിന്‌ ഉപയോഗിക്കരുത്‌. പോലീസില്‍ പരാതി നല്‍കാന്‍ ഉദ്ദേശിക്കുന്നില്ല.
മുകേഷിന്റെ രാജിക്ക്‌ പ്രതിഷേധപ്രകടനം; വീടിന്‌ പോലീസ്‌ കാവല്‍
കൊല്ലം: ടെസ്‌ ജോസഫിന്റെ വെളിപ്പെടുത്തലിനെത്തുടര്‍ന്നു മുകേഷിനെതിരേ പ്രതിഷേധം ശക്‌തം. എം.എല്‍.എ. സ്‌ഥാനം രാജവയ്‌ക്കണമെന്ന്‌ ആവശ്യപ്പെട്ട്‌ കൊല്ലത്ത്‌ ദേശീയപാത ഉപരോധിച്ച യൂത്ത്‌ കോണ്‍ഗ്രസ്‌ പ്രവര്‍ത്തകര്‍ മുകേഷിന്റെ കോലം കത്തിച്ചു. ബി.ജെ.പി, മഹിളാ മോര്‍ച്ച പ്രവര്‍ത്തകര്‍ മുകേഷിന്റെ വീട്ടിലേക്കു പ്രകടനം നടത്തി. മുകേഷിന്റെ വീടിനു മുന്നില്‍ പോലീസ്‌ സുരക്ഷ ശക്‌തമാക്കി.
സ്‌ത്രീസുരക്ഷയുടെ പേരില്‍ അധികാരത്തിലെത്തിയ പിണറായി സര്‍ക്കാരിന്റെ ഭാഗമായ മുകേഷ്‌ നിയമനടപടികള്‍ക്കു വിധേയനാകണമെന്നും ജനാധിപത്യ മൂല്യങ്ങള്‍ ഉയര്‍ത്തിക്കാട്ടാന്‍ എം.എല്‍.എ. സ്‌ഥാനം രാജിവയ്‌ക്കണമെന്നും കൊല്ലം ഡി.സി.സി. പ്രസിഡന്റ്‌ ബിന്ദു കൃഷ്‌ണ ആവശ്യപ്പെട്ടു. സി.പി.എമ്മിന്റെ എം.എല്‍.എമാര്‍ക്കെതിരെയുള്ള ലൈംഗികാരോപണങ്ങള്‍ നീളുകയാണെന്നും ബിന്ദു പറഞ്ഞു. മുകേഷിന്റെ രാജിക്കായി കോണ്‍ഗ്രസ്‌ പ്രവര്‍ത്തകര്‍ ഇന്നു രാവിലെ പത്തിനു കൊല്ലം ആനന്ദവല്ലീശ്വരം ക്ഷേത്രം മൈതാനത്തുനിന്ന്‌ എം.എല്‍.എയുടെ ഓഫീസിലേക്കു പ്രകടനം നടത്തും.
LATEST NEWS
- കേരളത്തിലും ആള്ക്കൂട്ടാക്രമണം; പെണ്കുട്ടിയെ ശല്യപ്പെടുത്തി എന്ന് പറഞ്ഞ്‌ വിദ്യാര്ത്ഥിയെ നാട്ടുകാര് ആളുമാറി തല്ലി
- സാരിക്ക് വില 10 രൂപ; ഹൈദരാബാദിലെ മാളിലേക്ക് ജനപ്രവാഹം; തിക്കിലും തിരക്കിലും നിരവധി ആളുകള്ക്ക് പരിക്ക്
- പണമുണ്ടോ, എങ്കില് സീറ്റ് റെഡി; ഒരു മണ്ഡലത്തില് പത്ത് കോടിയെങ്കിലും കുറഞ്ഞത്; ഘടകക്ഷികളെ വെട്ടിലാക്കി ബിജെപി
- 'വ്യോമ മാര്ഗം കൊണ്ടുപോകാന് ആവശ്യപ്പെട്ടിരുന്നു എന്നാല്‍ നിരാകരിക്കപ്പെട്ടു, ബുള്ളറ്റ് പ്രൂഫ് ബസുകളെങ്കിലും ഉപയോഗിക്കാമായിരുന്നു'; ജവാന്റെ വെളിപ്പെടുത്തല്
- അത്യാഡംബരമായി നടത്താനിരുന്ന വിവാഹ സല്ക്കാരം ഉപേക്ഷിച്ചു; 16 ലക്ഷവും ജവാന്മാരുടെ കുടുംബത്തിന്; ഭീകരാക്രമണത്തില് ഇരയായവരുടെ കുടുംബത്തിന് കൈത്താങ്ങായി സേത്ത് സാംഗ്വി കുടുംബം
TRENDING NOW
-
സംസ്കാരത്തെ തകര്ക്കുന്നു; ജനപ്രിയ സോഷ്യല് മീഡിയ ആപ്ലിക്കേഷനായ ടിക് ടോക് നീരോധിക്കണമെന്ന് ആവശ്യം
-
തടി കൂടിയതോടെ കാമുകന് പിന്മാറി; മധുരപ്രതികാരമായി 10 കിലോയില് നിന്ന് 45 കിലോ കുറച്ച് കാമുകി
-
കാറിനും സ്കൂട്ടറിനും ഒരേ നമ്പര്...; സ്കൂട്ടര് ഉടമ പിഴ പിഴയൊടുക്കേണ്ടിവന്നത് അതേ നമ്പരിലുള്ള കാര് പാര്ക്ക് ചെയ്തതിന്; ജാഗ്രതൈ... വ്യാജന്മാര് വിലസുന്നു
-
ഒരു കളക്ടറെ നേരില് കണ്ട് സംസാരിക്കണം എന്ന മോഹം ഐഎഎസുകാരിയാക്കി; മലയാളികളുടെ ചങ്കൂറ്റമായ സബ്കളക്ടര് രേണു രാജ് പഠിച്ചത് ഡോക്ടറാകാന്...
-
ഈ സിനിമ ‘കാണരുത്’ ! അനുഭവിക്കണം- കുമ്പളങ്ങി നൈറ്റ്സ്; കവിതപോലൊരു സിനിമ
-
ശസ്ത്രക്രിയയ്ക്കിടെ രോഗിയുടെ വയറ്റില് ഡോക്ടര് ചവണ മറന്നുവെച്ചു; വീണ്ടും വയറുകീറി പുറത്തെടുത്തു
-
വരനെക്കാള് മൂത്ത വധു എന്ന തരത്തില് വിവാഹഫോട്ടോ പ്രചരിപ്പിച്ച സംഭവം; സൈബര് ആക്രമണത്തില് മനംനൊന്ത ദമ്പതികള് ആശുപത്രിയില്
-
മലയാളി ബ്രാഹ്മണ സ്ത്രീ പ്രസവത്തോടെ ഉപേക്ഷിച്ച ആ കുഞ്ഞ് ഇന്ന് സ്വിറ്റ്സര്ലന്റിലെ എം.പി; സിനിമയെ വെല്ലുന്ന ജീവിത കഥ ഇങ്ങനെ...
-
ഈ ചിത്രത്തില് മമ്മൂട്ടിയില്ല! വേദനിപ്പിച്ചും ഓര്മ്മിപ്പിച്ചും കൊണ്ടൊരു സിനിമ; പേരന്പ് റിവ്യൂ
-
പല്ലുതേക്കുന്നതിനിടെ വീട്ടമ്മ ബ്രഷ് വിഴുങ്ങി; അഞ്ചു ദിവസത്തിന് ശേഷം പുറത്തെടുത്തു
-
കണ്ണുകള് കലങ്ങിച്ചുവക്കും... ചുമച്ച് ചുമച്ച് ചോരതുപ്പും... മൂക്കില് നിന്നും ചോരത്തുള്ളികള് ഇറ്റുവീഴും... ജാഗ്രതൈ... ഈ വര്ഷം അല്ലെങ്കില് അടുത്ത മഞ്ഞുകാലത്ത് നമ്മളും ഈ അപൂര്വ്വ രോഗത്തിന്റെ പിടിയിലാകും
-
ഈ ക്ഷേത്രത്തിലെ പ്രസാദം നല്ല ഒന്നാംതരം മട്ടണ് ബിരിയാണി
